Коронавируст халдвар COVID-19 цар тахлын хүрээнд: Улсын бүртгэлийн ерөнхий газрын даргын 2020 оны 03 дугаар сарын 13-ны өдрийн А/259 дүгээр тушаал, Улсын бүртгэлийн ерөнхий газрын Тамгын газрын даргын 63 тоот албан бичиг, Улсын онцгой комиссын 9 дүгээр тогтоолын хэрэгжилтийг хангах хүрээнд Халдвараас урьдчилан сэргийлэх тулд иргэд хоорондоо 1-2 метр зайнаас харьцаж үйлчилгээний зааланд иргэдийг нэг цэгт бөөгнөрөл үүсгэхгүй байх үүднээс зай барь тэмдгийг үйлчилгээний зааланд байршуулан ажиллаж байна. Мөн үйлчилгээний
зааланд тогтмол агаар оруулж чийгтэй цэвэрлэгээ хийж, үйлчилгээний зааланд гар ариутгагч байршуулан ажиллаж байна. Амны хаалт зүүгээгүй иргэнд үйлчлэхгүй байх тэмдэг, самбарыг үйлчилгээний заал болон байгууллагын гадна хэсэгт байршуулан амны хаалт зүүгээгүй иргэнд үйлчлэхгүй байх хатуу дэглэмийг барьж ажиллаж байна. Мөн албан хаагчдыг халдвараас урьдчилан сэргийлэх тулд гар ариутгагч, амны хаалт болон дархлаа дэмжих бэлдмэлээр ханган ажилласан. Халдвараас урьдчилан сэргийлэх, эрсдлийг бууруулах чиглэлээр тус хэлтэс нь 3 минутын видео шторк хийж байгууллагын http://bulgan.burtgel.gov.mn/ Page хуудас болон facebook хаягт байршуулан олон нийтэд суртачилан ажилласан.. Мөн “Би амны хаалтаа тогтмол зүүдэг” мессеж бүхий чайлэнжид аймгийнхаа байгууллагуудыг нэгдэхийг уриалж тухайн байгууллагууд нь идэвхтэй хамрагдлаа.
