Булган аймгийн Дашинчилэн сумын Засаг даргын тамгын газраас “Нээлттэй хаалганы өдөрлөг” зохион байгуулагдлаа. Өдөрлөгийн үеэр тус сумын улсын бүртгэгч Б.Батчимэг нь иргэний улсын бүртгэлийн үйлчилгээ үзүүлж, эд хөрөнгийн эрхийн улсын бүртгэлийн талаар зөвлөгөө мэдээлэл өгч ажилласан байна.
Мөн сумын баг тойрох ажлын хэсэгт ажиллаж, иргэдэд улсын бүртгэлийн үйлчилгээний талаар мэдээлэл өглөө.
“Цахим Булган” дэд хөтөлбөрийн хүрээнд Улсын бүртгэлийн цахим тоног төхөөрөмжийг Улсын бүртгэгчид хүлээлгэн өглөө. Ингэснээр Дашинчилэн сумын Засаг даргын Тамгын газрын байранд ирж үйлчилгээ авах боломжгүй иргэдэд улсын бүртгэлийн үйлчилгээ илүү өргөн хүрээнд хурдан шуурхай үзүүлэх боломж бүрдэх юм.
Хуулийн этгээд, Эд хөрөнгийн эрхийн улсын бүртгэлийн тасгийн дарга бөгөөд улсын ахлах бүртгэгч Л.Байгалмаа нь эд хөрөнгийн бүртгэгч нарт долоо хоног бүр хууль, эрх зүйн сургалт, мэдээлэл өгч байна.
“Хамтын өсөлт төгөлдөр” Хаан банкнаас зохион байгуулагдсан арга хэмжээнд иргэдэд тоон гарын үсгийн үйлчилгээг тус хэлтсийн иргэний улсын бүртгэгч Б.Болормаа болон мэдээллийн технологийн ажилтан Ө.Өлзиймөрөн нар хүргэж ажиллалаа.
Байгууллагын эргэн тойронг цэвэрлэх нэгдсэн ажлыг зохион байгууллаа.
.jpg)
