Булган аймгийн Улсын бүртгэлийн хэлтэс нь Төрийн албан хаагчдын ёс зүй, хууль эрх зүйн мэдлэгийг нэмэгдүүлэх зорилгоор нийт албан хаагчдыг хамруулсан сургалтыг 2026 оны 01 дүгээр сарын 29-ний өдөр амжилттай зохион байгууллаа.
Сургалтын хүрээнд аймгийн Прокурорын газрын ахлах прокурор, хууль цаазын итгэмжит зөвлөх Ц.Сувдаа "Зөрчлийн тухай хууль" сэдвээр, Булган аймгийн ЗДТГ-ын Хууль эрх зүйн хэлтсийн ахлах мэргэжилтэн Ж.Оюунгэрэл “Авлигын эсрэг хууль, нийтийн албанд нийтийн болон хувийн ашиг сонирхлыг зохицуулах, зөрчлөөс урьдчилан сэргийлэх сэдвээр тус тус мэдээлэл хийлээ. Мөн Насан туршийн боловсролын төвийн багш Д.Ганцэцэг “Төрийн албан хаагчийн ёс зүй” сэдвээр сургалт зохион байгуулж, оролцогчдод холбогдох хууль, эрх зүйн мэдлэг олгов.
Сургалтын төгсгөлд оролцогчид төрийн албан хаагчийн ёс зүй, хууль тогтоомжийг хэрэгжүүлэхэд анхаарах асуудлуудын талаар санал солилцож, асуулт хариулт өрнүүлсэн нь сургалтыг үр дүнтэй болгоход чухал ач холбогдолтой байлаа.
