Энэ 7 хоногийн онцлох ажлаас:
Булган аймгийн Гурванбулаг сумын улсын бүртгэгч С.Энхтуяа нь тус суманд 2026 оны 03 дугаар сарын 27-ны энэ өдөр зохион байгуулагдаж буй нээлттэй хаалганы өдөрлөгт зөөврийн төхөөрөмжөөр иргэнд Тоон гарын үсэг өгч ажиллаж байна.
Хэлтсийн албан хаагчдад:
Кибер аюулгүй байдал, төрийн албаны нууц хадгалалт, мэдээллийн хамгаалалтын чиглэлээр сургалт амжилттай зохион байгуулагдлаа. Энэхүү сургалтыг Булган аймаг дахь Тагнуулын хэлтсийн ахлах мэргэжилтэн, хошууч Г.Алзахгүйбаатар удирдан явуулж, оролцогчдод практик зөвлөгөө, чиглэл өглөө.
Мөн Булган аймгийн Онцгой байдлын газрын гал түймрийн улсын ахлах хяналтын байцаагч, ахмад Ж.Эрдэнэбулган “Гамшгийн аюулын тухай зарлан мэдээллийн дохиогоор ажиллах” заавар зөвлөгөө болон гамшигт үзэгдэл бий болсон тохиолдолд хэрхэн арга хэмжээ авах, хувийн бэлтгэлийг урьдчилан бэлтгэх зэргээр сургалтыг зохион байгуулж ажиллалаа. Энэхүү сургалт нь албан хаагчдад гамшгийн үед бие даан хувийн бэлтгэлийг хангах, авран хамгаалах, бусдад туслах, гамшгийн бэлэн байдалд шуурхай арга хэмжээг авах ойлголтыг өгсөн болно.
